«Пушкинга кунакка»: әдәби сәяхәт (0+)

6 июнь көнне Россиядә Пушкин көнендә 5 нче санлы китапханәнең яшь китап сөючеләре  «Пушкинга кунакка» дигән әдәби сәяхәт кылды.

Балаларга Александр Сергеевич Пушкинның балачак еллары һәм иҗаты турында сөйләделәр. Аның исеме белән шәһәрләр, мәйданнар, урамнар аталган һәм Чаллыда да бөек шагыйрьнең исеме белән бәйле урыннар бар: 78 нче Пушкин исемендәге пролицей һәм А.С. Пушкин урамы. Балалар шагыйрьнең кечкенә чагында тәрбиячесе Арина Родионова сөйләгән әкиятләре турында үзләре өчен бик күп кызыклы һәм яңа мәгълүмат алды. Нәниләр шагыйрьнең аңа багышланган «Зимний вечер» шигырен тыңлады. Үзләре өчен Пушкин әсәрләрен ачып, балалар шагыйрьнең әкиятләр дөньясына кереп чумды, аның әсәрләре геройларында кунак булды, әкият викторинасы сорауларына җавап бирде һәм «Геройны таны» һәм «Әкиятне сайлап ал» уенында катнашты. Чара азагында «Мир сказок Пушкин әкиятләре дөньясы» дигән китап күргәзмәсенә күзәтү үткәрелде.

Пушкин безгә балачакта килә һәм гомер буена кала. Шагыйрьнең әсәрләрен яратмаган һәм белмәгән кешене табу кыен. Аның әсәрләре барлык яшьтәге кешеләрне берләштерә. Ә иң мөһиме, балалар Пушкинны белә, әти-әниләре белән аны укый һәм әдәби мирасын ярата.